Mynd: Hörður Kristinsson
Gulstör (Carex lyngbyei)
Útbreiðsla
Algeng á láglendi í kring um landið, sums staðar nær hún upp í 500 m hæð yfir sjó. Hún nær almennt upp í um 500–600 m hæð á hálendinu, hæst skráð í 700 m hæð við Eyjabakka og Hvítárvatn en eintök frá þeim stöðum eru a.m.k. í sumum tilfellum kynblendingar við stinnastör (Hörður Kristinsson - floraislands.is).
Búsvæði
Flóar, flæðimýrar og tjarnarbakkar á láglendi. Á hálendinu einkum við járnríkar keldur og uppsprettur.
Lýsing
Stórvaxin stör (25–125 sm) með tveim til fjórum hangandi kvenöxum og einu til tveimur uppréttum kvenöxum. Blómgast í júní.
Blað
Stráin skarpþrístrend. Blöðin afar stór og gróf, 4–10 mm breið, með niðurorpnum röndum og verða þau gulgræn síðsumars. Blaðslíðrin oft rauðleit eða rauðbrún (Hörður Kristinsson 1998).
Blóm
Tvö til fjögur hangandi, legglöng, 2–3 sm löng kvenöx og eitt til tvö upprétt karlöx. Axhlífarnar dökkbrúnar, gljáandi, oddmjóar með löngum oddi. Hulstrin oddbaugótt, trjónulaus, mött. Frænin tvö (Hörður Kristinsson 1998).
Afbrigði
Myndar stundum kynblendinga við stinnastör (Hörður Kristinsson - floraislands.is).
Greining
Líkist einna helst marstör en t.d. hanga kvenöx hennar ekki á sama hátt og gulstararinnar.
Útbreiðsla: Gulstör (Carex lyngbyei)
Höfundur
Var efnið hjálplegt?
Aftur upp