Mynd: Hörður Kristinsson
Stinnastör (Carex bigelowii)
Útbreiðsla
Stinnastör er algengasta þurrlendisstör landsins, vex frá láglendi upp í 1100 m hæð. Hæst hefur hún fundist í 1220 m hæð á Kirkjufjalli við Hörgárdal (Hörður Kristinsson - floraislands.is).
Búsvæði
Móar og mosaþembur, stundum í votlendi til fjalla (Hörður Kristinsson 1998 og floraislands.is).
Lýsing
Meðalstór stör (15–40 sm), nokkuð breytileg en hefur venjulega sterkleg, stinn strá og kvenöxin allþétt efst á stráin. Blómgast í júní.
Blað
Hefur skriðulan jarðstöngul með sterklegar renglur og stinn, hvassþrístrend strá. Blöðin breið, 2,5–5 mm, fagurgræn eða gulgræn, oftast með niðurorpnar blaðrendur. Slíður stoðblaðsins örstutt og oftast svart (Hörður Kristinsson 1998).
Blóm
Venjulega tvö, sjaldan þrjú upprétt kvenöx og eitt karlax í toppnum. Axhlífar stuttar, snubbóttar, sjaldan yddar, oft nær kringlóttar, svartar með ljósri miðtaug. Hulstrið grænt eða nær svart, trjónulaust eða stutttrýnt, gljáalaust (Hörður Kristinsson 1998).
Afbrigði
Stinnastörin er skyld mýrastör og geta þær myndað á milli sín kynblendinga (Hörður Kristinsson - floraislands.is).
Greining
Líkist mýrastör en stinnastör þekkist á þéttstæðari og færri kvenöxum, niðurbeygðum blaðröndum, sterklegum, bogsveigðum renglum, dekkri hulstrum og svörtu slíðri stoðblaðs.
Útbreiðsla: Stinnastör (Carex bigelowii)
Höfundur
Var efnið hjálplegt?
Aftur upp