Mynd: Hörður Kristinsson
Toppastör (Carex krausei)
Mynd: Hörður Kristinsson
Toppastör (Carex krausei)
Útbreiðsla
Hefur eindregna landræna útbreiðslu, þ.e. hún er aðeins algeng innan til á Norðurlandi eystra og öræfunum þar suður af.
Almennt
Náskyld hárleggjastör og var áður fyrr talin afbrigði af henni.
Lýsing
Lágvaxin stör (5–10 (-25) sm) stutt, mjó blöð og mörg, leggjuð öx.
Blað
Myndar litlar, þétt þúfur, án skiðulla stöngla. Blöð stutt, græn, 1–2 mm breið. Strá grönn og slétt, nokkuð lin efst (Lid og Lid 2005).
Blóm
Axskipanin með einu, uppréttu, tvíkynja axi með kvenblómum efst og oftast með mörg (allt að sex), brún kvenöx á grönnum leggjum. Axhlífar ljósbrúnar, lítið eitt styttri en hulstrið, falla snemma af. Hulstur 1,5–2 mm langt, ljósbrún (Lid og Lid 2005).
Greining
Hún þekkist frá hárleggjastör á því að kvenblóm eru í toppaxinu auk karlblóma, öxin eru leggstyttri og uppréttari og brúnni á litinn. Toppastörin vex auk þess í þurrara landi og hefur eindregna landræna útbreiðslu.
Útbreiðsla: Toppastör (Carex krausei)
Höfundur
Var efnið hjálplegt?
Aftur upp