Útbreiðsla
Óvís.
Lýsing
Lágvaxin stör (5–25 sm) með tiltölulega breið, dökkgræn blöð og sveigð strá. Eitt leggjað karlax og nokkur hnöttótt kvenöx.
Blað
Myndar smá þúfur. Blöð dökkgræn, lin, flöt, sveigð og svolítið snúin, 2–5 mm breið, oft nær jafnlöng eða lengri en stráin. Stráin sveigð (Lid og Lid 2005).
Blóm
Axskipanin með einu karlaxi á legg og tvö til fjögur, hnöttótt kvenöx, hið neðsta oft í blaðöxl langt fyrir neðan hin. Neðsta stoðblaðið mikið lengra en axskipanin, upprétt eða útstætt. Axhlífar ljósbrúnar með mjórri, grænni taug (Lid og Lid 2005). Hulstur dökkgræn og 2,5–4 mm löng (Hörður Kristinsson 1998).
Greining
Líkist mjög gullstör en grænstör hefur dökkgrænna og stærra hulstur (2,5–4 mm) en gullstör, stráin ná oftast langt upp fyrir stofnblöðin.
Útbreiðsla: Grænstör (Carex demissa)
Höfundur
Var efnið hjálplegt?
Aftur upp