Mynd: Hörður Kristinsson
Mýrastör (Carex nigra)
Mynd: Hörður Kristinsson
Mýrastör (Carex nigra)
Útbreiðsla
Ein algengasta stör landsins, algeng frá láglendi upp í 600 m hæð. Hæstu skráðu fundarstaðir í köldum jarðvegi eru 750 m við Grænutjörn á Hofsafrétti og litlu lægra við Vesturbug og Svörturústir á Hofsafrétti. Einnig skráð í Vonarskarði í 950 m hæð, trúlega við jarðhita (Hörður Kristinsson - floraislands.is).
Almennt
Nytjar
Mýrastörin er ein aðalfóðurjurtin í mörgum mýrum landsins (Hörður Kristinsson - floraislands.is).
Búsvæði
Mýrar og tjarnajaðrar.
Lýsing
Allhávaxin stör (20–80 sm) með tvö til fjögur stuttleggjuð, upprétt kvenöx og eitt til tvö karlöx efst. Blómgast í júní.
Blað
Slíður stoðblaðsins mjög stutt, grænt eða ljósbrúnt. Stráin þrístrend, fremur grönn. Blöðin löng og mjó, 2–3 mm breið, V-laga. Blaðrendur upporpnar (Hörður Kristinsson 1998).
Blóm
Oftast tvö til fjögur stuttleggjuð, nær upprétt kvenöx og eitt til tvö karlöx efst. Axhlífar svartar með ljósri miðtaug, egglaga, snubbóttar í endann. Hulstrin oftast græn, lengri en axhlífarnar, stundum brúnmóleit, stutttrýnd eða trjónulaus (Hörður Kristinsson 1998).
Greining
Líkist stinnastör sem er þó með þéttstæðari og færri kvenöxum, niðurbeygðum blaðröndum, sterklegum, bogsveigðum renglum, dekkri hulstrum og svörtu slíðri stoðblaðsins.
Útbreiðsla: Þúfustör (Carex nigra)
Höfundur
Var efnið hjálplegt?
Aftur upp