Mynd: Hörður Kristinsson
Fjallastör (Carex norvegica)
Útbreiðsla
Algeng en þó mjög strjál. Þó er hún fremur sjaldséð á Suðurlandi. Hún vex í mólendi og rökum flögum bæði á láglendi og til fjalla upp að 700 m. Hæstu fundarstaðir hennar eru í 780 m við Kiðagilsdrög og á nokkrum stöðum á Hofsafrétti í 720–750 m hæð (Hörður Kristinsson - floraislands.is).
Búsvæði
Móar og valllendi.
Lýsing
Meðalhá stör (15–30 sm) með stutt öx, þétt saman í enda strásins. Blómgast í júní–júlí.
Blað
Stráin þrístrend, beinvaxin og upprétt. Blöðin 1,5–3 sm, kjöluð eða flöt, snarprend (Hörður Kristinsson 1998).
Blóm
Oftast þrjú, nær legglaus öx þétt saman. Toppaxið stærst og eru karlblómin öll neðst í því. Axhlífar dökkbrúnar eða svartar, odddregnar. Hulstrin brún, með hrjúfu yfirborði eða jafnvel smábroddótt, odddregin eða stutttrýnd. Frænin þrjú (Hörður Kristinsson 1998).
Greining
Líkist sótstör en fjallastörin hefur leggstyttri öx og mjórri blöð, auk þess sem hún er ólotin í toppinn.
Útbreiðsla: Fjallastör (Carex norvegica)
Höfundur
Var efnið hjálplegt?
Aftur upp