Útbreiðsla
Vex frá láglendi upp í 500 m hæð. Hæstu fundarstaðir eru við Gilsárvötn á Fljótsdalsheiði (Sigurður H. Magnússon) og í 600 m á Vaðlaheiði norður af Þingmannahnjúk (H.Kr.) (Hörður Kristinsson - floraislands.is).
Búsvæði
Deiglendi og mýrar.
Lýsing
Lítil stör (8–18 sm) með eitt stutt, endastætt ax. Plönturnar sérbýla og blómstra í júní.
Blað
Stráin nokkuð sívöl, blöðin mjó (1 mm), rennulaga neðan til, ganga síðan fram í flatan odd (Hörður Kristinsson 1998).
Blóm
Eitt stutt, endastætt ax á hverju strái. Blómin í sérbýli. Öx kvenplantnanna oftast um eða innan við 1 sm á lengd, nokkru gildari en karlöxin sem oft eru lengri, 1–1,5 sm. Axhlífar kvenblómanna fremur breiðar, toppmyndaðar, gljáandi, himnukenndar, brúnar að lit. Hulstrin brún, með nokkurri trjónu. Tvö fræni. Axhlífar karlblómanna ljósbrúnar (Hörður Kristinsson 1998).
Greining
Líkist engri annnarri íslenskri tegund, eina íslenska störin sem er með sérbýli.
Höfundur
Var efnið hjálplegt?
Aftur upp