Frjókorn
Frjókorn
Náttúrufræðistofnun Íslands annast frjómælingar og gefur út frjókornaspá og samantekt frjómælinga. Frjógildrur eru staðsettar í Garðabæ og á Akureyri. Frjófréttir eru birtar með öðrum fréttum á vefnum.
![Skýringarmynd af frjókornum Skýringarmynd af frjókornum](http://gamall.ni.is/sites/default/files/styles/paragraphs_medium/public/thumbnails/image/visindavaka_baekl_2008_frjokorn_plus4mm.jpg?itok=iIipgkmz)
Frjókorn myndast í frjóhnöppunum, sem eru yst á fræfli (karlæxlunarfærum jurta) og eru hliðstæða sæðisfrumu dýra. Þau berast oftast á milli plantna með vindi eða skordýrum. Berist frjókorn á fræni vex frjópípa niður í eggið, frjóvgar það og fræ eða aldin þroskast. Frjókorn sjást ekki með berum augum (þau eru aðeins 0,1– 0,01 mm að stærð) en eru margbreytileg og misjöfn að gerð og í útliti. Þegar fræflar eru hristir yfir hvítu blaði má sjá gult eða rauðgult duft á blaðinu, þar er aragrúi örsmárra frjókorna á ferð. Fræflar hanga oft út fyrir sjálft blómið svo vindur eigi greiðan aðgang að frjóhnapp og frjóhirslum sem geyma frjókornin.
Frjókorn geta valdið ofnæmi meðal manna og því er magn þeirra í lofti mælt yfir sumartímann og upplýsingum miðlað jafnóðum og þær berast. Frjótölur eru gefnar upp sem meðalfjöldi frjókorna í einum rúmmetra andrúmslofts á sólarhring.
![Frjókorn aðalbláberjalyngs (Vaccinium myrtillus) Frjókorn aðalbláberjalyngs (Vaccinium myrtillus)](http://gamall.ni.is/sites/default/files/styles/paragraphs_medium/public/thumbnails/image/adalblaberjalyng_01.jpg?itok=pwEnn4kA)
Frjókorn aðalbláberjalyngs (Vaccinium myrtillus)
![Frjókorn baldursbrár (Tripleurospermum maritimum) Frjókorn baldursbrár (Tripleurospermum maritimum)](http://gamall.ni.is/sites/default/files/styles/paragraphs_medium/public/thumbnails/image/baldursbra_01.jpg?itok=8zFLJFsr)
Frjókorn baldursbrár (Tripleurospermum maritimum)
![Frjókorn skeggsanda (Arenaria norvegica) Frjókorn skeggsanda (Arenaria norvegica)](http://gamall.ni.is/sites/default/files/styles/paragraphs_medium/public/thumbnails/image/skeggsandi_01.jpg?itok=FK0pH-09)
Frjókorn skeggsanda (Arenaria norvegica)
![Frjókorn blágresis (Geranium sylvaticum) Frjókorn blágresis (Geranium sylvaticum)](http://gamall.ni.is/sites/default/files/styles/paragraphs_medium/public/thumbnails/image/blagresi_01.jpg?itok=GTJryuI9)
Frjókorn blágresis (Geranium sylvaticum)
Var efnið hjálplegt? Aftur upp
Takk fyrir!