Mynd: Hörður Kristinsson
Vatnsnál (Eleocharis palustris)
Mynd: Hörður Kristinsson
Vatnsnál (Eleocharis palustris)
Útbreiðsla
Algeng um allt láglendi Íslands (Hörður Kristinsson - floraislands.is).
Búsvæði
Litlar tjarnir, vatnavik og síki með grunnu vatni.
Lýsing
Stórvaxin planta (20–70 sm) með brúnu axi á stráendanum. Blómgast í júní–júlí.
Blað
Myndar þéttar breiður. Stráið sívalt, holt innan, með blöðkulausum blaðslíðrum neðst sem oft eru með brúnum jaðri (Hörður Kristinsson 1998).
Blóm
Axið 1–1,8 sm langt, brúnt eða rauðbrúnt, á stráendanum. Tvær axhlífar neðan undir axinu, snubbóttar, himnurendar, með grænni miðtaug og feðma hvor um sig utan um axgrunninn til hálfs. Stoðblöð blómanna oddmjó, rauðbrún. Sex burstar eru í stað blómhlífar. Frævan með stút í toppinn og tvö fræni. Sex fræflar (Hörður Kristinsson 1998).
Greining
Líkist helst vætuskúfi en hann vex fremur í mýrum, einkum nærri sjó. Hann er heldur smávaxnari með styttra ax og þekkist best á því að neðri axhlífin feðmir alveg utan um axfótinn og myndar V-laga samskeyti en á vatnsnál aðeins að hálfu á móti efri axhlífinni.
Útbreiðsla: Vatnsnál (Eleocharis palustris)
Höfundur
Var efnið hjálplegt?
Aftur upp