Lýsing
Lágvaxin jurt (5–10 sm) með stofnhvirfingu blaða, granna stöngla og nokkur hvít blóm efst á stönglunum.
Blað
Myndar gisnar þúfur. Stofnhvirfingarblöð með einföld randhár og fá til mörg kvíslgreind hár eða stjörnuhár við blaðoddinn, sérstaklega á neðraborði blaðsins (stundum vantar greind hár). Stöngull hárlaus eða stundum með lítil, greind hár, oftast blaðlaus (Lid og Lid 2005).
Blóm
Blóm stór, krónublöð útsveigð, hvít, breið og 3–5 mm löng (Lid og Lid 2005).
Aldin
Skálpar mjóegglaga eða sporbaugóttir, hárlausir (Lid og Lid 2005).
Greining
Þekkist best á hárlausum skálpum, hárlitlum stönglum og á því að það eru sjaldnast nein stöngulblöð.
Höfundur
Var efnið hjálplegt?
Aftur upp