Samantekt frjómælinga sumarið 2017
24.10.2017
![Ilmreynir (Sorbus acuparia) skrýðist haustlitum. Búrfellshraun í Garðabæ. Ilmreynir (Sorbus acuparia) skrýðist haustlitum. Búrfellshraun í Garðabæ.](http://gamall.ni.is/sites/default/files/styles/paragraphs_medium/public/thumbnails/image/eo_ilmreynir.jpg?itok=WRLok7m6)
Ilmreynir (Sorbus acuparia) skrýðist haustlitum. Vífilsstaðahraun í Garðabæ, 22. september 2011.
Tekið hefur verið saman yfirlit yfir frjómælingar í Garðabæ og á Akureyri sumarið 2017. Í Garðabæ var heildarfjöldi frjókorna nálægt meðaltali en á Akureyri voru frjókorn ríflega tvöfalt fleiri en í meðalári.
Á Akureyri var heildarfjöldi frjókorna 7549 frjó/m3. Grasfrjó voru tæplega helmingur allra frjókorna og um þriðjungur birki en samtals var hlutfall frjógerðanna 78,5%. Flest frjókorn voru í lofti í maímánuði eða 39%.
Í Garðabæ var fjöldi frjókorna 3112 frjó/m3. Hlutfall gras- og birkifrjóa var svipað eða um þriðjungur hjá hvorri frjógerð fyrir sig, samtals 68,5%. Flest frjókorn mældust í júní eða um 44%.