Vistgerðir á Íslandi - málþing 17. mars
15.03.2017
![Skeraleirur Skeraleirur](http://gamall.ni.is/sites/default/files/styles/paragraphs_medium/public/thumbnails/image/skeraleira_alftafjordur.jpg?itok=a8z6ARWt)
Skeraleira í Álftafirði á Suðausturlandi.
Stór áfangi í kortlagningu íslenskrar náttúru verður kynntur á málþingi Náttúrufræðistofnunar Íslands og umhverfis- og auðlindaráðuneytisins föstudaginn 17. mars kl. 13 á Grand Hótel.
Kynntar verða niðurstöður flokkunar lands í vistgerðir og kortasjá opnuð sem sýnir útbreiðslu þeirra á landinu. Flokkunin á sér fyrirmynd í viðurkenndri flokkun á vistgerðum í Evrópu og mun nýtast stjórnvöldum, sveitarfélögum, atvinnulífi og almenningi við alla skipulagsgerð, skynsamlega landnotkun, vernd náttúrunnar og sjálfbæra nýtingu náttúruauðlinda.
Viðburðinum verður streymt á rás stofunarinnar á YouTube.
Málþingið er öllum opið og aðgangur er ókeypis.