Frjókornafræðsla á Vísindavöku 2008
Mörg hundruð manns heimsóttu bás Náttúrufræðistofnunar Íslands á Vísindavöku í september. Þar kynnti stofnunin starfsemi sína með fræðslu um fjókorn. Í sýningunni voru veggspjöld með upplýsingum um hvað frjókorn eru, hvaða frjókorn valda ofnæmi og af hverju, hvers vegna frjókornamælingar eru mikilvægar og ýmislegt fleira. Boðið var upp á að skoða frjókorn í smásjá og frjógildra sem fangar frjókorn frá vori fram á haust í Reykjavík var til sýnis.
Í tilefni af Vísindavöku gaf Náttúrufræðistofnun út bæklinginn Fræðist um frjókorn þar sem upplýsingar um frjókorn eru gerðar aðgengilegar fyrir almenning:
![](/sites/ni.is/files/thumbnails/image/baekl_visindavaka_2008_frjomaelingar_forsida.jpg)
![](/sites/ni.is/files/thumbnails/image/am_080926-0021_small.jpg)
Ýmislegt var í boði fyrir börnin á Vísindavöku, m.a. rafeindasmásjármyndir af frjókornum sem hægt var að lita. Þegar smellt er á myndina opnast nýr gluggi með nokkrum frjókornamyndum til að prenta út og lita.