Mynd: Hörður Kristinsson
Jöklasóley (Beckwithia glacialis)
Mynd: Hörður Kristinsson
Jöklasóley (Beckwithia glacialis)
Mynd: Hörður Kristinsson
Jöklasóley (Beckwithia glacialis)
Útbreiðsla
Jöklasóley vex aðeins hátt til fjalla og er algeng í sumum landshlutum. Stundum berst hún með skriðum niður á láglendi en verður sjaldan langlíf þar. Mest heldur hún sig á hinum fornu blágrýtisfjöllum en er fáséð á móbergssvæðinu. Til fjalla finnst hún oft upp í 1300 m hæð eða ofar en aðeins á fáum stöðum norðan til á landinu má finna hana neðan 600 m (Hörður Kristinsson - floraislands.is).
Almennt
Í Alpafjöllum fer jöklasóleyin hærra en aðarar blómplöntur eða hæst í 4275 m hæð yfir sjó (Ágúst H. Bjarnason 1994).
Búsvæði
Kjörlendi jöklasóleyjar eru í grjótskriðum, grýttum melum eða klettum hátt til fjalla (Hörður Kristinsson 1998 og floraislands.is).
Lýsing
Lágvaxin planta (8–15 sm) með hlutfallslega stórum blómum sem eru hvít í fyrstu en verða dumbrauð með tímanum. Blómgast í júní.
Blað
Blöðin stilklöng, handflipótt eða handskipt, hárlaus, gljáandi. Bleðlarnir sepóttir eða flipóttir, endar snubbóttir (Hörður Kristinsson 1998).
Blóm
Blómin eru 2–2,5 sm í þvermál, oftast einstök á stöngulendanum. Krónan lausblaða, fimmdeild, oft ofkrýnd. Krónublöðin í fyrstu hvít en verða síðan dumbrauð. Bikarblöðin snubbótt, þéttbrúnhærð. Margir gulir fræflar og margar frævur (Hörður Kristinsson 1998).
Greining
Jöklasóley líkist engri annarri íslenskri tegund.
Útbreiðsla: Jöklasóley (Beckwithia glacialis)
Höfundur
Var efnið hjálplegt?
Aftur upp