Álftafjörður
Álftafjörður
Svæðið er tilnefnt vegna vistgerða á landi og fugla. Það er að hluta innan tillögusvæðisins í Álftafjörður–Hamarsfjörður–Papey, sem tilnefnt er vegna sela.
Álftafjörður
Álftafjörður.
Mörk
Álftafjörður, ásamt sjávarfitjum sunnan fjarðar og Starmýrarfjörum sem liggja fyrir mynni fjarðarins.
Stærð
58,1 km2
Hlutfall lands: 17%
Hlutfall fjöru: 82%
Hlutfall sjávar: <1%
Hlutfall fersks vatns: <1%
Svæðislýsing
Grunnur fjörður, með víðáttumiklum leirum og sjávarfitjum, þeim mestu á Austurlandi. Landbúnaður er á jörðum við fjörðinn. Einnig lítilsháttar æðardúntekja fisk- og fuglaveiðar og eggjataka.
Forsendur fyrir vali
Forgangslandvistgerðir eru sjávarfitjungsvist og gulstararfitjavist. Svæðið er alþjóðlega mikilvægur viðkomustaður vaðfugla á fartíma, einkum þó jaðrakans að vori. Fjöldi álfta á fjaðrafellitíma nær líka alþjóðlegum verndarviðmiðum.
Vistgerðir
| Vistgerð | Km2 | % af heildarflatarmáli | |
|---|---|---|---|
| Land | Gulstararfitjavist | 0,42 | 5 |
| Land | Sjávarfitjungsvist | 1,79 | 12 |
Fuglar
| Tegund | Árstími | Fjöldi | Ár | % af íslenskum stofni |
|---|---|---|---|---|
| Álft | Fellir | 1.063 | 2005 | 4 |
| Jaðrakan | Far | 4.000 | 1999–2002 | 10 |
Sjá einnig ítarlegri umfjöllun um fjöru- og grunnsævissvæðið Álftafjörður.
Ógnir
Landbúnaður, ferðaþjónusta, umferð og vegagerð, efnistaka.
Aðgerðir til verndar
Framræsla verði ekki meiri á svæðinu, endurheimt votlendis þar sem landnýting leyfir, gæta þess að næringarefni berist ekki frá landbúnaði og stilla beit í hóf. Tryggja að fjörur verði ekki skertar við vegagerð, malarnám eða aðrar framkvæmdir.
Núverandi vernd
| Aðrar náttúruminjar | Númer |
|---|---|
| Hofsdalur, Tunga (Hofstunga), Hofsá, Geithellnadalur, (Múladalur) og Þrándarjökull | 625 |
| Álftafjörður | 652 |
Kortasjá
Útgáfudagsetning
5. apríl 2018, uppfært 26. maí 2020.