Mynd: Hörður Kristinsson
Hnoðafræhyrna (Cerastium glomeratum)
Útbreiðsla
Fremur sjaldgæf, finnst aðeins á Suður- og Suðvesturlandi (Hörður Kristinsson 1998).
Lýsing
Einær, lágvaxin jurt (5–15 sm) með hvít blóm í kvíslskúfum.
Blað
Blöðin egglaga eða sporbaugótt, broddydd. Jurtin er ljósgræn, dúnhærð og kirtilhærð efst. Blöð breiðsporbaugótt (Lid og Lid 2005).
Blóm
Blómin í kvíslskúfum, krónublöðin álíka löng eða lítið eitt lengri en bikarblöðin (Hörður Kristinsson 1998). Bikarblöðin með mjóum himnufaldi og löng hár í endann. Blómleggir styttri en bikarinn (Lid og Lid 2005).
Aldin
Aldinin gláandi með sérkennilega gullgulum blæ (Hörður Kristinsson 1998).
Greining
Minnir á vegarfa eða músareyra. Blómin eru venjulega fleiri saman í þéttari kvíslskúfum, krónublöðin álíka löng eða lítið eitt lengri en bikarblöðin, aldinin gláandi með sérkennilega gullgulum blæ, blöðin breiðari, egglaga eða sporbaugótt, broddydd.
Útbreiðsla: Hnoðafræhyrna (Cerastium glomeratum)
Höfundur
Var efnið hjálplegt?
Aftur upp