Skeiðarársandur
Skeiðarársandur
Svæðið er tilnefnt vegna fugla og sela. Það nær að hluta yfir tillögusvæðið Ingólfshöfða, sem tilnefnt er vegna fugla.
Skeiðarársandur
Mörk
Sandurinn milli Skeiðarárjökuls og sjávar. Að sunnanverðu um fjöru frá Núpsvötnum í vestri austur fyrir ósa Skeiðarár. Þaðan upp undir Goðafjall og að norðan liggja mörkin sunnan Háöldu og vestur að Núpsá.
Stærð
761,1 km2
Hlutfall lands: 89%
Hlutfall fjöru: <1%
Hlutfall sjávar: <1%
Hlutfall fersks vatns: 10%
Svæðislýsing
Mikið og yfirleitt gróðurlítið sandflæmi en gróður hefur vaxið mjög á síðari árum, meðal annars er vaxandi birkikjarr á ofanverðum sandinum. Sauðfé er haldið til beitar en selveiðar eru aflagðar. Vaxandi ferðamennska. Selir liggja víða á ströndinni, á sandfjörum og við ósa jökuláa, allt frá Ingólfshöfða í austri til Skaftáróss í vestri.
Forsendur fyrir vali
Eitt helsta skúmavarp landsins og nær það alþjóðlegum verndarviðmiðum. Á svæðinu voru taldir yfir 400 selir á árunum 1980 til 1992 en árið 2017, þegar síðast var talið, voru þar 130 landselir. Á Skeiðarársandi eru jafnframt umfangsmikil útselslátur með 56% af heildarkópaframleiðslu ársins 1988. Þegar síðast var talið voru þar 99 útselskópar en árið 1985 voru taldir 506 kópar.
Fuglar
Tegund | Árstími | Fjöldi (pör) | Ár | % af íslenskum stofni |
---|---|---|---|---|
Skúmur | Varp | 1.418 | 1985 | 8 |
Sjá einnig ítarlegri umfjöllun um fuglasvæðið Skeiðarársandur.
Selir
Tölur eiga við talningasvæði á Suðurströndinni allt frá Ingólfshöfða að Skaftárósum.
Tegund | Lægsti fjöldi* | Hæsti fjöldi* | Hæsta % af Suðurlandsstofni |
Hæsta % af íslenskum stofni |
Núverandi % af íslenskum stofni |
---|---|---|---|---|---|
Útselur | 62 (2012) | 506 (1985) | 99 (1982) | 56,2 (1988) | 5,8 (2017) |
*Árin 1982–2017 |
Tegund | Lægsti fjöldi* | Hæsti fjöldi* | Hæsta % af Suðurlandsstofni |
Hæsta % af íslenskum stofni |
Núverandi % af íslenskum stofni |
---|---|---|---|---|---|
Landselur | 30 (2003) | 642 (1985) | 39,9 (1992) | 7,2 (1989) | 3,2 (2018) |
*Árin 1980–2018 |
Ógnir
Mikil aukning ferðamanna á Suðurlandi getur valdið truflun á lífríki.
Aðgerðir til verndar
Kortleggja þarf skúmsvarp á sandinum og huga að umgengnisreglum í kjölfarið. Nauðsynlegt getur verið að stýra umferð ferðamanna um svæðið. Brýnt er að tryggja vernd sela í látrum og nærliggjandi grunnsævi þar sem fæðuöflun fer fram.
Núverandi vernd
Friðlýst svæði | Flokkur friðlýsingar |
---|---|
Ingólfshöfði | Friðland |
Aðrar náttúruminjar | Númer |
---|---|
Núpsstaður, Núpsstaðarskógar og Grænalón | 701 |
Kortasjá
Útgáfudagsetning
5. apríl 2018, uppfært 26. maí 2020, viðbótartillögur um seli gefnar út 3. desember 2020.