Kúðafljót
Kúðafljót
Svæðið er tilnefnt vegna sela.
Kúðafljót
Landselur.
Mörk
Svæðið nær yfir ósa Kúðafljóts ásamt 1 km fjöru til austurs og vesturs, eftir því sem árfarvegur er hverju sinni.
Stærð
44,3 km2
Hlutfall lands: 60%
Hlutfall fjöru: 2%
Hlutfall sjávar: 16%
Hlutfall fersks vatns: 22%
Svæðislýsing
Kúðafljót er meðal stærstu jökuláa landsins en um er að ræða neðsta hluta fjölda vatnsfalla sem runnið hafa saman og eiga uppruna sinn í jökul- og lindám af stóru vatnasvæði á Suðurlandi. Við ósa Kúðafljóts, sem rennur til sjávar á Meðallandssandi, eru umfangsmikil landselslátur.
Forsendur fyrir vali
Allt að 26% af landselum Suðurlands og 5% af heildarstofninum liggja í látrum við ósa Kúðafljóts. Landsel hefur fækkað um 56,4% á svæðinu frá 1980.
Selir
| Tegund | Lægsti fjöldi* | Hæsti fjöldi* | Hæsta % af Suðurlandsstofni |
Hæsta % af íslenskum stofni |
Núverandi % af íslenskum stofni |
|---|---|---|---|---|---|
| Landselur | 87 (2016)** | 372 (1990) | 25,7 (1990)* | 5 (1990) | 2,8 (2018) |
| *Árin 1980–2018 **Ekki er talið að talningarárið 2014 sé marktækt og því er það ár ekki skráð fyrir minnsta fjölda eða hæsta hlutfall. |
|||||
Ógnir
Mikil aukning ferðamanna á Suðurlandi getur valdið truflun sela í látrum.
Aðgerðir til verndar
Brýnt er að tryggja vernd sela í látrum og nærliggjandi grunnsævi þar sem fæðuöflun fer fram. Nauðsynlegt getur verið að stýra umferð ferðamanna um svæðið.
Núverandi vernd
Engin.
Kortasjá
Útgáfudagsetning
3. desember 2020.