Guðlaugstungur–Álfgeirstungur
Guðlaugstungur–Álfgeirstungur
Svæðið er tilnefnt vegna vistgerða á landi og fugla.
Guðlaugstungur–Álfgeirstungur
![Guðlaugstungur-Álfgeirstungur á Íslandskorti Guðlaugstungur-Álfgeirstungur á Íslandskorti](http://gamall.ni.is/sites/default/files/styles/paragraphs_medium/public/thumbnails/image/b-hluti_smakort_4002_gudlaugstungur-alfgeirstungur_v01_0.jpg?itok=K0XibaG1)
![Úr Guðlaugstungum Úr Guðlaugstungum](http://gamall.ni.is/sites/default/files/styles/paragraphs_medium/public/thumbnails/image/vot-n_4-gudlaugstungur_ke.jpg?itok=UX_gY504)
Úr Guðlaugstungum
Mörk
Guðlaugstungur og Álfgeirstungur austan Blöndu, frá Hofsjökli norðvestur að Blönduvaðaflóa í Blöndulóni, að austan um Sátu og Hraungarðshaus.
Stærð
398,5 km2
Hlutfall lands: 98%
Hlutfall fersks vatns: 2%
Svæðislýsing
Svæðið einkennist af heiðalöndum, votlendi, mólendi og melum. Norðan til er víðfeðmt og gróskumikið votlendi með mýrum, tjörnum og lækjum. Sumarbeitiland sauðfjár og nokkur útivist.
Forsendur fyrir vali
Eitt fjölbreyttasta rústamýrasvæði landsins og raunar eitt af fáum svæðum þar sem rústamýravist er til staðar. Mikilvægt varp- og beitiland heiðagæsar sem hefur alþjóðlegt náttúruverndargildi, enda er hér nú langstærsta heiðagæsavarp í heiminum.
Vistgerðir
Vistgerð | Km2 | % af heildarflatarmáli | |
---|---|---|---|
Land | Rústamýravist | 12,45 | 18 |
Fuglar
Tegund | Árstími | Fjöldi (pör) | Ár | % af íslenskum stofni |
---|---|---|---|---|
Heiðagæs | Varp | 23.168 | 2010 | 19 |
Sjá einnig ítarlegri umfjöllun um fuglasvæðið Guðlaugstungur–Álfgeirstungur.
Ógnir
Litlar ógnir, vatnaveitingar, ferðamennska og hlýnandi loftslag. Hugmyndir hafa verið settar fram um nýjan þjóðveg milli Suðurlands og Norðurlands, sem líklega mundi fara um svæðið ef af yrði.
Aðgerðir til verndar
Halda vötnum óbeisluðum, vegagerð verði ekki á svæðinu. Friðland frá árinu 2005 og sem Ramsarsvæði frá 2013. Núverandi friðlýsingaskilmálar taldir fullnægjandi en auka þarf eftirlit með svæðinu í heild og umgengni ferðafólks.
Núverandi vernd
Friðlýst svæði | Flokkur friðlýsingar |
---|---|
Guðlaugstungur og Álfgeirstungur | Friðland |
Kortasjá
Guðlaugstungur–Álfgeirstungur í kortasjá
Útgáfudagsetning
5. apríl 2018, uppfært 26. maí 2020.