Andakíll
Andakíll
Svæðið er tilnefnt vegna fugla.
Andakíll
![Andakíll á Íslandskorti Andakíll á Íslandskorti](http://gamall.ni.is/sites/default/files/styles/paragraphs_medium/public/thumbnails/image/b-hluti_smakort_2004_andakill_v01_0.jpg?itok=0VzinEv2)
![Ósar Andakílsár í Borgarfirði Ósar Andakílsár í Borgarfirði](http://gamall.ni.is/sites/default/files/styles/paragraphs_medium/public/thumbnails/image/fg-v_9-andakill_bth.jpg?itok=fFdQgWJN)
Ósar Andakílsár í Borgarfirði.
Mörk
Frá Seleyri yfir ósa Hvítár norður undir Hvítárholt, að Ferjuklöpp við Hvítárbrú og austur fyrir Vatnshamravatn og suður fyrir ósa Andakílsár.
Stærð
30,9 km2
Hlutfall lands: 46%
Hlutfall fjöru: 49%
Hlutfall sjávar: <1%
Hlutfall fersks vatns: 5%
Svæðislýsing
Árósar með víðáttumiklum leirum, flæðiengjar og fjölbreytt mýrlendi til landsins. Skólaþorpið Hvanneyri er um miðbikið og eru þar víðáttumikil ræktarlönd. Einnig er landbúnaður stundaður á nærliggjandi jörðum. Svæðið er vinsælt til útivistar og sérstaklega fuglaskoðunar.
Forsendur fyrir vali
Austanverðir ósar Hvítár og ósar Andakílsár eru alþjóðlega mikilvægt svæði fyrir blesgæsir á fartíma og langmikilvægasti einstaki viðkomustaður þeirra hér á landi. Álftir í fjaðrafelli beggja vegna Kistuhöfða. Mikið af vaðfuglum nýtir svæðið frá vori og fram á haust.
Fuglar
Tegund | Árstími | Fjöldi | Ár | % af íslenskum stofni |
---|---|---|---|---|
Álft | Fellir | 530 | 2016 | 2 |
Blesgæs | Far | 3.500 | 2012 | 16 |
Sjá einnig ítarlegri umfjöllun um fjöru- og grunnsævissvæðið Andakíll.
Ógnir
Framræsla, breytingar á landnotkun, búfjárbeit, áburðarnotkun og vaxandi uppbygging á Hvanneyri og í nágrenni.
Aðgerðir til verndar
Friðlýst sem búsvæði blesgæsar, fyrst Hvanneyrarjörðin öll árið 2002 en árið 2011 var svæðið stækkað og fékk nafnið Andakíll. Er Ramsarsvæði frá 2013. Í ljósi þess hve blesgæsir nýta mikið af ræktarlandi á Hvanneyri, þarf að gæta vel að breytingum á landnotkun sem gætu haft áhrif búsvæði á gæsanna.
Núverandi vernd
Friðlýst svæði | Flokkur friðlýsingar |
---|---|
Andakíll | Búsvæði |
Kortasjá
Útgáfudagsetning
5. apríl 2018, uppfært 26. maí 2020.