Ár á yngri berggrunni
Ár á yngri berggrunni
V2.3
EUNIS-flokkun
Nýr flokkur, tillaga. C2.29 Icelandic spring-fed rivers.
Ár á yngri berggrunni
![Ár á yngri berggrunni Ár á yngri berggrunni](http://gamall.ni.is/sites/default/files/styles/paragraphs_medium/public/thumbnails/image/ar-yngri-grasidukvisl.jpg?itok=deXdEUNF)
Grásíðukvísl í Kelduhverfi. Þekja æðplantna var lítil, en þar fundust þráðnykra, flagasóley og efjuskúfur. – Spring-fed river in norhteastern Iceland. Vascular plant cover was low. Stuckenia filiformis, Ranunculus reptans and Eleocharis acicularis occurred.
![Ár á yngri berggrunni Ár á yngri berggrunni](http://gamall.ni.is/sites/default/files/styles/paragraphs_medium/public/thumbnails/image/ar-yngri-ytri-ranga.jpg?itok=SI_PwNZ9)
Mosi á klapparbotni í Ytri-Rangá í Rangárbotnum. Þar fundust mosarnir vaðmosi, kelduskrápur og pollalufsa. – Rhyncostegium riparioides, Palustriella falcata and Drepanocladus aduncus on rocky substrate in a spring-fed river in southern Iceland.
Lýsing
Lindár og lindavatnsskotnar dragár á yngri berggrunni landsins (<0,8 milljónir ára). Upptökin eru í lindum og einkennast árnar af stöðugu rennsli og vatnshita sem jafnframt er lágur árið um kring, sérstaklega næst upptökum. Rof vatnsbakka er lítið og eru bakkarnir gjarnan vel grónir. Árnar grafa sig lítið niður þar eð árframburður er lítill. Iðustreymi er ríkjandi, en árkaflar með lagstreymi geta komið fyrir.
Vatnagróður
Þekja æðplantna er lítil ef nokkur, sérstaklega næst upptökum. Mosar eru algengir, t.d. vaðmosi, bakkalúði, lækjalúði og pollalufsa og getur þekja þeirra verið töluverð. Einnig eru þráðlaga grænþörungar algengir, sem og blágrænubakteríur.
Botngerð
Fjölbreytt, allt frá fínum sandi til klappar.
Efnafræðilegir þættir
Rafleiðni vatns er iðulega 50–200 µS/cm sem er hærra en í ám á eldri berggrunni. Sýrustig (pH) vatns er 8–9. Styrkur uppleystra efna í ám á ungum berggrunni er hærri en í ám á eldri berggrunni vegna þess að grunnvatnið hefur seytlað um lek jarðlög og leyst upp efni úr berginu.
Miðlunargerð á vatnasviði
Lindár af hriplekum (2100) og lindár af treglekum (2200) svæðum.
Fuglar
Straumendur (Histrionicus histrionicus) eru allvíða og gulendur (Mergus merganser) sums staðar. Mikið af straumönd og húsönd (Bucephala islandica) er á Svartá og efri hluta Laxár í Suður-Þingeyjarsýslu.
Útbreiðsla
Finnst á yngri berggrunni landsins.
Verndargildi
Miðlungs.
![Útbreiðslukort ár á yngri berggrunni Útbreiðslukort ár á yngri berggrunni](http://gamall.ni.is/sites/default/files/styles/paragraphs_medium/public/thumbnails/image/kort_v2.3_arayngriberggrunni.jpg?itok=OqSP0yC0)
Útbreiðsla straumvatna á yngri berggrunni (<0,8 milljónir ára). Lengd þeirra er um 11.000 km sem er um 26% af heildarlengd straumvatna. – Total length (km) of spring-fed rivers is estimated 11,000 km (26% of the total length of rivers).
Algengustu tegundir gróðurs – Most common vegetation species | |
---|---|
Efjugras | Limosella aquatica |
Efjuskúfur | Eleocharis acicularis |
Fergin | Equisetum fluviatile |
Flagasóley | Ranunculus reptans |
Lónasóley | Batrachium eradicatum |
Lófótur | Hippuris vulgaris |
Mógrafabrúsi | Sparganium hyperboreum |
Skriðlíngresi | Agrostis stolonifera |
Vatnsnál | Eleocharis palustris |
Vorbrúða | Callitriche palustris |
Þráðnykra | Stuckenia filiformis |
Kelduskrápur | Palustriella falcata |
Vaðmosi | Platyhypnidium riparioides |
Pollalufsa | Drepanocladus aduncus |
Bakkalúði | Hygrohypnum molle |
Kelduhnokki | Bryum pseudotriquetrum |
Lækjalúði | Hygrohypnum ochraceum |
Dýjahnappur | Philonotis fontana |