Picture: Hörður Kristinsson
Hvítstör (Carex bicolor)
Útbreiðsla
Hún er einna algengust á landræna svæðinu norðan jökla á austanverðu landinu.
Búsvæði
Hvítstörin vex einkum á bökkum og eyrum meðfram ám, í rökum flögum og deigum móum til fjalla og inni á hálendinu.
Lýsing
Fremur lágvaxin stör (10–25 sm) hvítleit, með bústin öx, stráin leggjast niður við aldinþroskun.
Blað
Stráin grönn og lotin eða liggja á jörðinni. Blöðin 1,5–2,5 mm, flöt eða lítið eitt kjöluð, oft með niðurbeygðum jöðrum (Hörður Kristinsson 1998).
Blóm
Venjulega tvö til þrjú bústin öx. Axhlífar dökkbrúnar, snubbóttar, oft með grænni miðtaug. Hulstrin öfugegglaga, snubbótt í toppinn og trjónulaus, hvítgræn eða ljósblágræn, með hrjúfu yfirborði. Tvö fræni (Hörður Kristinsson 1998).
Greining
Líkist helst rauðstör en hvítstör þekkist á ljósari hulstrum og lengri, jarðlægum stráum.
Útbreiðsla: Hvítstör (Carex bicolor)
Höfundur
Was the content helpful
Back to top