Útbreiðsla
Hrafnsönd verpur í Norður-Evrópu og í Síberíu austur fyrir Tamírskaga. Hún er sjaldgæfur og staðbundinn varpfugl hér á landi og verpur nær eingöngu í Þingeyjarsýslum og langmest við Mývatn. Er farfugl að mestu en tugir vetursetufugla hafa stundum fundist við Hvalnes- og Þvottárskriður allt frá 1977 (Arnþór Garðarsson, óbirt heimild; Fuglaathugunarstöð Suðausturlands, óbirt gögn). Þar er jafnframt helsti viðkomustaður hrafnsandar hér á landi á vorin og fram eftir sumri, þar sem mörg hundruð og jafnvel yfir 1.000 fuglar hafa sést (Fuglaathugunarstöð Suðausturlands, óbirt gögn).
Stofn
Hrafnsandarstofninn hefur vaxið upp á síðkastið og er nú 400−600 pör (Náttúrurannsóknastöðin við Mývatn, óbirt gögn; Náttúrustofa Norðausturlands, óbirt gögn).
Válisti
LC (ekki í hættu)
Ísland |
Evrópuválisti |
Heimsválisti |
---|
LC |
LC |
LC |
Forsendur flokkunar
Kynslóðalengd (IUCN): 7,5 ár
Tímabil sem mat miðast við (3 kynslóðir): 1995–2018
Nær allur íslenski hrafnsandarstofninn verpur í Þingeyjarsýslum og þá aðallega við Mývatn. Þar hefur fuglunum fjölgað mikið upp á síðkastið (Náttúrurannsóknarstöðin við Mývatn) og hið sama á við um önnur vötn á svæðinu (Yann Kolbeinsson o.fl. 2018). Hrafnsönd uppfyllir því ekki lengur skilyrði til að vera á válista.
Hrafnsönd var á Válista 2000 sem tegund í nokkurri hættu (VU) vegna þess að stofninn var talinn minni en 1.000 kynþroska einstaklingar.
Viðmið IUCN um mat á válista (pdf)
Eldri válistar
Válisti 2000: Hrafnsönd var flokkuð sem tegund í nokkurri hættu (VU).
Verndun
Hrafnsönd er friðuð samkvæmt lögum nr. 64/1994 um vernd, friðun og veiðar á villtum fuglum og villtum spendýrum.
Mikilvæg svæði
Engir varp-, viðkomu-, fjaðrafellistaðir eða vetrarstöðvar hér á landi teljast alþjóðlega mikilvægar fyrir hrafnsendur.
IBA viðmið – IBA criteria:
A4 i: Evrópa = 9.000 fuglar/birds; 3.000 pör/pairs (Wetlands International 2016)
B1 i: A4 i
English summary
The Melanitta nigra population in Iceland is estimated 400–600 pairs. No areas in Iceland meet IBA criteria for this species.
Icelandic Red list 2018: Least concern (LC), downlisted from Vulnerable (VU) in 2000.
Heimildir
Wetlands International 2016. Waterbird Population Estimates. http://wpe.wetlands.org/search[skoðað 26. nóvember 2016].
Yann Kolbeinsson, Árni Einarsson, Arnþór Garðarsson, Aðalsteinn Örn Snæþórsson og Þorkell Lindberg Þórarinsson 2018. Ástand fuglastofna í Þingeyjarsýslum árið 2017. Náttúrustofa Norðausturlands og Náttúrurannsóknarstöðin við Mývatn. NNA-1802.
Höfundur
Kristinn Haukur Skarphéðinsson maí 2017, júní 2018, október 2018
Was the content helpful
Back to top