Útbreiðsla
Mjög algengt um allt land (Hörður Kristinsson - floraislands.is).
Búsvæði
Þurrir þúfnakollar og brekkubörð, einkum þar sem þurrt er, áveðurs og snjódýpt lítil (Hörður Kristinsson 1998 og floraislands.is).
Lýsing
Meðalhá planta (15–30 sm) með strá í þéttum toppum. Blómgast í júní.
Blað
Stráin eru í þéttum toppum með þéttstæðum, 3 sm löngum slíðrum neðst. Blöðin þráðmjó (0,5 mm), sívöl utan en grópuð (Hörður Kristinsson 1998).
Blóm
Blómin nakin, í 1,5–2 sm löngu axi á stráendanum. Eitt karlblóm og eitt kvenblóm saman í hverju smáaxi. Axhlífin ljósbrúnleit, með breiðum himnufaldi ofan til. Þrír fræflar, ein fræva með þremur frænum (Hörður Kristinsson 1998).
Aldin
Aldinið ljósbrúnt, gljáandi með stuttri trjónu (Hörður Kristinsson 1998).
Höfundur
Was the content helpful
Back to top