Útbreiðsla
Gamall slæðingur sem hefur breiðst út um allt suðvestanvert landið og er þar algeng. Einnig er hún töluvert á Austfjörðum sunnanverðum en er sjaldséð á Norðurlandi (Hörður Kristinsson - floraislands.is).
Almennt
Fyrr á öldum var hún nýtt sem fóðurplanta, sérstaklega fyrir kýr og fræ hennar voru notuð til manneldis. Skurfa er nærandi en uppskeran er lítil (Ágúst H. Bjarnason 1994).
Búsvæði
Flög og raskað land (Hörður Kristinsson - floraislands.is).
Lýsing
Fremur lágvaxin jurt (5–25 sm) með þráðmjó blöð og hvít, fimmdeild blóm. Blómgast í júlí.
Blað
Stönglarnir eru kirtilhærðir. Blöðin þráðmjó, 1–4 sm á lengd, oftast sex til átta saman í kransi, stundum fleiri (Hörður Kristinsson 1998).
Blóm
Blómin eru fimmdeild, 4–6 mm á breidd. Krónublöðin hvít, lítið lengri en bikarblöðin, snubbótt. Bikarblöðin græn eða rauðmenguð, með mjóum himnufaldi. Fræflar fimm eða tíu. Ein fræva með fimm stílum (Hörður Kristinsson 1998).
Aldin
Aldinið klofnar í fimm hluta við opnun (Hörður Kristinsson 1998).
Greining
Líkist flæðaskurfu sem er smávaxnari og hefur þrjá stíla á frævunni, hún finnst aðeins í fjörum og á sjávarleirum.
Höfundur
Was the content helpful
Back to top