Útbreiðsla
Algeng um land allt til fjalla, einkum í 300–1100 m hæð. Hana vantar víða á láglendi, einkum í snjóléttari sveitum (Hörður Kristinsson - floraislands.is).
Búsvæði
Fjallshlíðar, bollar, snjódældir og lækjardrög (Hörður Kristinsson 1998).
Lýsing
Lágvaxin planta (7–15 sm) með blöðóttan stöngul og dökkblá blóm. Blómgast í júní–júlí.
Blað
Stöngullinn blöðóttur. Blöðin oddbaugótt eða öfugegglaga, randhærð neðan til, ofurlítið sljótennt, stilklaus eða stilkstutt (Hörður Kristinsson 1998).
Blóm
Blómin eru 3–5 mm í þvermál, í stuttum klasa, dökkblá, leggstutt. Krónublöðin misstór. Bikarblöðin dökkblágræn eða svarblá, með grófum hvítum randhárum. Fræflar tveir, ein fræva með einum stíl (Hörður Kristinsson 1998).
Aldin
Aldinið 4–6 mm á lengd, oftast hárlaust, sýlt í endann og með örstuttum (1 mm) stíl (Hörður Kristinsson 1998).
Greining
Líkist helst maríuvendlingi en hann er alveg hárlaus. Steindepla er með stærri og flatari krónu og einnig rautt belti innst í blóminu. Eins hefur steindepla minni og snoðnari blöð.
Höfundur
Was the content helpful
Back to top