Útbreiðsla
Fræin berast með fuglum og vatni (Lid og Lid 2005).
Búsvæði
Sjávarflæðatjarnir.
Lýsing
Fremur stórvaxin vatnajurt (10–40 sm) með blöðin í krönsum, blómin mjög lítið áberandi.
Blað
Blöðin 2–5 mm breið og standa fjögur til sex saman í kransi (Hörður Kristinsson 1998).
Blóm
Blómin örsmá, standa einstök í blaðöxlunum, tvíkynja, yfirsætin. Blómhlífin einföld, myndar aðeins fjóra smásepa sem standa út úr frævunni ofanverðri. Ein fræva og einn fræfill í hverju blómi. Vindfrævuð (Hörður Kristinsson 1998).
Aldin
Hnetur (Lid og Lid 2005).
Greining
Líkist lófæti og er stundum talinn afbrigði þeirrar tegundar. Hann er heldur lágvaxnari og hefur breiðari blöð (2–5 mm) sem standa aðeins fjögur til sex saman í kransi. Hann vex eingöngu á sjávarflæðum eða í síkjum út frá þeim.
Válisti
VU (tegund í nokkurri hættu)
Ísland |
Heimsválisti |
---|
VU |
LC |
Forsendur flokkunar
Flæðalófótur flokkast sem tegund í nokkurri hættu þar sem vaxtarsvæði tegundarinnar er takmarkað, u.þ.b. 16 km2.
Viðmið IUCN: D2
D. Stofn talinn mjög lítill eða með mjög takmarkaða útbreiðslu.
D2. Restricted area of occupancy or number of locations with a plausible future threat that could drive the taxon to CR or EX in a very short time.
Hættuflokkar Alþjóðanáttúruverndarsamtakanna (IUCN)
Viðmið IUCN um mat á válista (pdf)
Eldri válistar
Válisti 2008: Flæðalófótur er á válista í hættuflokki VU (í yfirvofandi hættu).
Válisti 1996: Flæðalófótur er á válista í hættuflokki VU (í yfirvofandi hættu).
Höfundur
Hörður Kristinsson 2007, Starri Heiðmarsson, Pawel Wasowicz 2018
Was the content helpful
Back to top