Útbreiðsla
Ófundin á Suður- og Suðvesturlandi en nokkuð víða á Vestfjörðum og í kringum Eyjafjörð (Bergþór Jóhannsson 1995b).
Búsvæði
Vex aðallega á jarðvegi í snjódældum og verða plöntur þar stórvaxnar. Vex einnig á steinum og klettum, í urðum, skriðum og hraunbollum (Bergþór Jóhannsson 1995b).
Lýsing
Plöntur óreglulega greinóttar, grænar til gular, breytileg tegund (Bergþór Jóhannsson 1996b).
Gróliður
Plöntur óreglulega greinóttar, grænar, ljósgrænar, gulgrænar eða gular. Breytileg tegund, stundum eru plöntur frekar smávaxnar, nokkuð mikið greinóttar, jarðlægar, með áberandi rætlingabrúskum en stundum eru þær stórvaxnar, lítið greinóttar, rætlingalausar og talsvert uppsveigðar. Plöntur geta orðið 12 sm langar. Rætlingar brúnir, sléttir. Flosblöð mörg. Greinar oft bognar í endann. Blöð oftast tennt framan til en geta verið alveg heilrend. Rif breitt, nær næstum fram í blaðenda, oftast vörtótt á baki í framhluta blaðs (Bergþór Jóhannsson 1995b).
Kynliður
Plöntur einkynja, hafa ekki fundist með gróhirslum hér á landi (Bergþór Jóhannsson 1995b).
Frumur
Frumur með frekar þykkum veggjum, oft með vörtu úr framenda en geta verið alveg vörtulausar. Vörtur eru myndaðar af útstæðum frumuendum. Veggir holulausir eða aðeins örlítið holóttir. Hornfrumur ferningslaga (Bergþór Jóhannsson 1995b).
Höfundur
Was the content helpful
Back to top