Ársfundur Náttúrufræðistofnunar Íslands 2008
Ársfundur Náttúrufræðistofnunar Íslands var haldinn í 15. sinn mánudaginn 5. maí á Hótel KEA á Akureyri. Á fundinum var m.a. undirritaður samstarfssamningur á milli Náttúrufræðistofnunar Íslands og Háskólans á Akureyri, framtíðarsýn og starfsáherslur deilda stofnunarinnar voru ræddar, starfsemi náttúrustofa var til umræðu og tillögur Náttúrufræðistofnunar Íslands að endurskoðaðri válistaflokkun háplantna voru kynntar.
Mikið var rætt um mikilvægi umhverfisverndar og þátttöku Náttúrufræðistofnunar í þeim efnum. Anna Kristín Ólafsdóttir, aðstoðarmaður umhverfisráðherra Þórunnar Sveinbjarnardóttur, lagði áherslu á mikilvægi starfs Náttúrufræðistofnunar til að aðstoða við ákvarðanatöku um friðlýsingu, og Ingólfur Ásgeir Jóhannesson, frá Samtökum um náttúruvernd á Norðurlandi (SUNN), ítrekaði mikilvægi þess að Náttúrufræðistofnun væri sem sjálfstæðust og óháðust stjórnvöldum þegar kæmi að vinnu við ákveðin verkefni og að ákvarðanir um rannsóknir væru teknar á sem vísindalegustum forsendum (sjá ávarp í heild sinni hér).
Ársskýrslur Náttúrufræðistofnunar Íslands.