Útbreiðsla
Algengt á Suður- og Vesturlandi og sunnanverðum Austfjörðum en fátíður á Norðurlandi (Hörður Kristinsson - floraislands.is).
Búsvæði
Klettaskorur eða klettasprungur, oft hátt uppi á sólríkum stöðum (Hörður Kristinsson 1998 og floraislands.is).
Lýsing
Lágvaxinn burkni (6–25 sm) með sígræn, fjaðurskipt blöð.
Blað
Blöðin vaxa upp af sterkum jarðstöngli, sígræn, fjaðurskipt, með sex til tólf nær heilrendum eða fínlega bogtenntum bleðlum hvoru megin, ávölum í endann. Bleðlarnir 1,5–2,5 sm á lengd, 4–7 mm á breidd, styttast smátt og smátt út að oddi blöðkunnar en eru lengstir niðri við stilkinn, skarpur en fíngerður miðstrengur (Hörður Kristinsson 1998).
Blóm
Tvær raðir stórra gróbletta á neðra borði bleðlanna, gróhulu vantar (Hörður Kristinsson 1998).
Greining
Líkist engri annarri íslenskri tegund.
Höfundur
Was the content helpful
Back to top