Picture: Hörður Kristinsson
Efjugras (Limosella aquatica)
Útbreiðsla
Hér og hvar á láglendi, algengast um sunnanvert landið (Hörður Kristinsson - floraislands.is).
Búsvæði
Leirefja í tjarnastæðum og tjarnajöðrum eða leirflæður (Hörður Kristinsson 1998 og floraislands.is).
Lýsing
Mjög lágvaxin planta (1–4 sm) með langstilkuðum blöðum og litlum, ljósum blómum. Blómgast í júlí–ágúst.
Blað
Plantan að mestu jarðlæg. Blöðin mörg saman í stofnhvirfingu, hvert um sig á 2–4 sm löngum stilk. Blaðkan lensulaga eða sporbaugótt, 5–12 mm á lengd og 2–5 mm á breidd. Öll plantan hárlaus (Hörður Kristinsson 1998).
Blóm
Blómin allmörg í þyrpingu út frá stofninum, nokkuð legglöng (5–15 mm). Krónan fimmdeild, um 3 mm í þvermál, bjöllulaga með V-laga flipum, bleik eða nær hvít. Bikarinn samblaða, grænn. Fræflar fjórir. Ein fræva (Hörður Kristinsson 1998).
Aldin
Aldin egglaga eða nær hnöttótt hýðisaldin, 2–3 mm langt með örstuttum, áföstum stíl (Hörður Kristinsson 1998).
Greining
Auðþekkt í blóma, blöðin minna á sum blöð flagasóleyjar sem þekkist þó frá efjugrasi á hinum bogsveigðu, rótskeytu renglum.
Útbreiðsla: Efjugras (Limosella aquatica)
Höfundur
Was the content helpful
Back to top