Útbreiðsla
Spánarkerfill var fluttur inn fyrir alllöngu síðan og hefur breiðst nokkuð út af sjálfsdáðum bæði í trjágörðum, við bæi og meðfram lækjum hér og þar um landið, vantar þó á stórum svæðum (Hörður Kristinsson - floraislands.is).
Búsvæði
Slæðingur hér og hvar við bæi og í görðum. Spánarkerfillinn verður nokkuð yfirgangssamur í frjóum og áburðarríkum jarðvegi og getur reynst erfitt að uppræta hann (Hörður Kristinsson - floraislands.is).
Lýsing
Tölvert stórvaxin planta (50–120 sm) með sterkt anísbragð af blaðstilkunum. Blómstrar hvítum blómsveipum í júní.
Blað
Stönglar og blaðstilkar loðnir, blöðin ljósgræn, þrífjöðruð. Sterkt anísbragð er af blaðstilkunum (Hörður Kristinsson 1998).
Blóm
Blómin eru í tvöföldum, allstórum (5–10 sm) sveipum, 2–4 mm í þvermál. Krónublöðin fimm, grænhvít, 2 mm á lengd, skert í oddinn. Fræflar fimm. Frævan með tveim stílum. Smáreifarnar randhærðar, stórreifar vantar (Hörður Kristinsson 1998).
Aldin
Tvö, gljáandi, 20–25 mm löng, dökkbrún deilialdin með skörpum rifjum. Berast illa með vindi vegna þyngdar sinnar en fljóta vel í vatni (Hörður Kristinsson 1998).
Greining
Hann er auðþekktur frá öðrum sveipjurtum á hinni sterku aníslykt og anísbragði af blaðstilkum. Líkist helst skógarkerfli. Spánarkerfill þekkist best frá honum á hæringu og ljósari lit blaðanna, bragði blaðstilkanna og á miklu stærri, skarprifjuðum aldinum.
Höfundur
Was the content helpful
Back to top