Almennt

Hvalir lifa alla sína ævi í sjó eða vatni og þá er að finna í öllum hafsvæðum heimsins. Stærð og þyngd er afar mismunandi en hvalir geta vegið allt frá rúmum 20 kílóum upp í 190 tonn. Búkurinn er straumlínulagaður og framlimir ummyndaðir í bægsli en afturlimi vantar. Sporðurinn er úr hörðum bandvef og er honum sveiflað til að knýja dýrin áfram. Á bakinu er horn sem auðveldar hvölum að halda jafnvægi á ferð. Þeir hafa ekki hár en fóstur allra hvala eru hærð á einhverju þroskastigi. Hvalir hafa hvorki svitakirtla né fitukirtla en þeir hafa trefjakennt bandvefslag undir húðinni sem er fyllt spiki. Blástursop (nasir) eru ofan á höfðinu og beintengd við lungun.

Núlifandi hvalategundir skiptast í tvo undirættbálka: tannhvali (Odonticeti) og skíðishvali (Mysticeti).

Vitað er um 23 tegundir hvala á íslensku hafsvæði, þar af 7 skíðishvali og 11 tannhvali.

Hér er fjallað um hvali sem dvelja við Ísland að staðaldri.

Höfundur